काठमाण्डौ,२ माघ २०८१ । नेपाल आयल निगमले इन्धनको मूल्य बढाएको छ । आज राति १२ बजेपछि लागू हुने गरी नेपाल आयल निगम लिमिटेडले पेट्रोल, डिजेल र मट्टीतेलको मूल्य बढाएको हो । निगमले पेट्रोलमा प्रति लिटर दुई तथा डिजेल र मटीतेलमा प्रति लिटर तीन रुपैयाँ मूल्य बढाएको छ ।
इन्डियन आयल कर्पोरेसनबाट बुधबार प्राप्त पेट्रोलियम पदार्थको नयाँ खरिद मूल्यअनुसार प्रति लिटर पेट्रोलमा २ रुपैयाँ २४ पैसा र डिजेलमा ३ रुपैयाँ ५५ पैसा बढेर आएको निगमले जनाएको छ । अब नयाँ मूल्यअनुसार पहिलो वर्गमा पेट्रोलको मूल्य १६२ रुपैयाँ ५० पैसा प्रतिलिटर पुगेको छ भने पहिलो वर्गमा डिजेल र मट्टीतेलको मूल्य १५३ रुपैयाँ ५० पैसा प्रतिलिटर पुगेको छ ।
