काठमाडौँ १०,असार २०८२। इरानमा इजरायलको आक्रमणबाट मृत्यु हुनेको संख्या ६ सय नाघेको छ ।
दुवै देशबीच युद्धविराम भएपछि इरानका स्वास्थ्यमन्त्री मोहम्मद रेजा जफरगानीले जुन १३ देखि इजरायली आक्रमणमा ६०६ जना इरानीको मृत्यु भएको बताएका छन् ।
इरानका मिडिया प्रेस टिभीका अनुसार इजरायली आक्रमणमा पाँच हजार ३३२ जना घाइते भएका छन्, जसको उपचार भइरहेको छ ।
साथै मन्त्री जफरगानीले पछिल्लो २४ घण्टामा इरानमा सबैभन्दा गम्भीर आक्रमणहरू भएको र १०७ जनाको मृत्यु भएको बताएका छन् ।
द्वन्द्वको अनुगमन गर्ने मानव अधिकार समूह, इरानमा मानव अधिकारकर्मीहरूले मृत्यु हुनेको संख्या आधिकारिक तथ्याङ्कभन्दा लगभग दोब्बर भएको दाबी गरेका छन् ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
