काठमाडौँ । प्रधानमन्त्री सुशिला कार्कीसँग नेपालका लागि अमेरिकी राजदुत डीन आर थम्प्सनले भेटवार्ता गरेका छन् ।
राजदुत थम्प्सनले भेटमा हालैका विरोध प्रदर्शनहरूमा ज्यान गुमाएकाहरूप्रति समवेदना व्यक्त गर्दै, नेपालको शान्तिपूर्ण र लोकतान्त्रिक बाटोमा अगाडि बढ्ने प्रति अमेरिकाको समर्थन रहेको जानकारी गराएको बताएका छन् ।
राजदुत थम्प्सनले अमेरिका-नेपालको ७८ वर्षभन्दा बढीको साझेदारीको आधारमा, व्यापारलाई अगाडि बढाउने, आर्थिक वृद्धिलाई बढावा दिने, विपद् तयारीलाई सुदृढ पार्ने र हाम्रा दुवै देशको हित र समृद्धिलाई अगाडि बढाउने एमसीसी नेपाल कम्प्याक्टलाई अगाडि बढाउने लगायत विविध विषयमा छलफल गरेको बताएका छन् ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
