इंग्लिस प्रिमियर लिग फुटबलमा लिभरपुलले म्यानचेस्टर युनाइटेडलाई हराएको छ ।
घरेलु मैदानमा हिजो भएको खेलमा युनाइटेड लिभरपुलसँग तीन गोलले पराजित भएको हो । लिभरपुलको जितमा लुइस डियाजले दुई र मोहम्मद सलाहले एक गोल गरे । जितसँगै लिभरपुल नौ अङ्कका साथ तालिकाको दोस्रो स्थानमा छ । युनाइटेड तीन अङ्कका साथ १४ औँ स्थानमा छ ।
समान तीन खेलमा नौ अङ्क रहेको म्यानचेस्टर सिटी भने शीर्ष स्थानमा छ । हिजै भएको अर्को खेलमा टोटनहम न्युक्यासल युनाइटेडसँग पराजित भएको छ । न्युक्यासलले टोटेनहमलाई २–१ ले हराएको हो । न्युकासलको जितमा अलेक्जेन्डर इसाक र हार्वे बार्न्सले गोल गरे । टोटनहमले एक गोल उपहार पाएको हो । अर्को खेलमा चेल्सी र क्रिस्टल प्यालेसले एक/एक गोलको बराबरी खेल्दै अङ्क बाँडेकाका छन् ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
