काठमाडौँ । साउदी प्रो लिग क्लब अल नासरले मुख्य प्रशिक्षक स्टेफानो पियोलीलाई हटाएको छ । यस सिजनमा क्लब उपाधि विहिन बनेपछि अल नासरले प्रशिक्षक पियोलीलाई हटाएको हो ।
अल नासर यस सिजनमा साउदी प्रो लिगमा तेस्रो स्थान हासिल गरेको थियो । अल नासर आधिकारिक रूपमा इटालियन मुख्य प्रशिक्षक स्टेफानो पियोली क्लबबाट अलग भएको जानकारी दिएको छ ।
रियादमा पियोलीको कार्यकाल सफल हुन सकेन, अल नासर यस सिजनमा सबै घरेलु प्रतियोगिताहरूमा असफल भयो ।
अल नासर अब २०१९ देखि लिग उपाधि बिहिन रहेको छ र अन्तिम पटक १९९० मा किंग्स कप जितेको थियो । अल नासरको सबैभन्दा पछिल्लो ट्रफी जनवरी २०२१ मा साउदी सुपर कप रहेको थियो ।
अल नासरको व्यवस्थापनले प्रशिक्षकसँगको आपसी समझदारी पछि, पियोलीको सम्झौताको बाँकी ११ मिलियन युरो किस्तामा तिर्न सहमत भएको मिडिया रिपोर्टमा उल्लेख गरिएको छ ।
स्पेनी निर्देशक फर्नान्डो हिएरोको नेतृत्वमा रहेको क्लबको प्राविधिक टिमले नयाँ प्रशिक्षकको खोजी शुरु गरेको बताइएको छ ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
