काठमाडौँ । भारतका टी-२० कप्तान सूर्यकुमार यादवको जर्मनीको म्युनिखमा पेटको दाहिने भागमा भएको स्पोर्ट्स हर्नियाको सफल शल्यक्रिया गरिएको छ ।
३४ वर्षीय सूर्यकुमारले आफ्नो शल्यक्रिया बारे भनेका छन्- ‘पेटको तल्लो दाहिने भागमा भएको स्पोर्ट्स हर्नियाको शल्यक्रिया गरिएको छ । सफल शल्यक्रिया पछि, म अब निको हुने बाटोमा छु भन्ने जानकारी दिन पाउँदा खुसी छु ।’
स्पोर्ट्स हर्निया भनेको ग्रोइन वा तल्लो पेटमा हुने नरम तन्तुको चोट हो जसमा प्रायः मांसपेशी, टेन्डन वा लिगामेन्टहरू समावेश हुन्छन् । जर्मनीमा शल्यक्रिया पछि, सूर्यकुमारले बेंगलुरुको बीसीसीआई सेन्टर अफ एक्सिलेन्समा पुनर्वास सुरु गर्ने बताइएको छ ।
भारतले अगस्टमा बंगलादेश भ्रमणमा तीन एकदिवसीय र तीन टी-२० खेल्ने तालिका छ । सूर्यकुमारले २०२३ को विश्वकप फाइनल पछि ५० ओभरको ढाँचामा खेलेका छैनन् । यो तीन वर्षमा सूर्यकुमारको तेस्रो शल्यक्रिया थियो । यसअघि, उनको २०२३ मा गोलीगाँठोको शल्यक्रिया भएको थियो र २०२४ मा स्पोर्ट्स हर्नियाको शल्यक्रिया पनि गरिएको थियो ।
आईपीएलमा उत्कृष्ट प्रदर्शन गर्ने सूर्यकुमार २०२५ सिजनमा ‘प्लेयर अफ द टुर्नामेन्ट’ थिए । उनले ७१७ रन बनाए, यद्यपि प्लेअफको दोस्रो क्वालिफायरमा मुम्बई इन्डियन्स पञ्जाब किंग्ससँग पराजित भएको थियो ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
