काठमाडौं। अन्डाको भाउ फेरि बढेको छ। नेपाल लेयर्स कुखुरापालक संघले पाँच दिनअघि बढेको भाउ फेरी भोलीदेखि नै लागु हुने गरी बढाउने निर्णय गरेको हो।
संघको आज बसेको बैठकले चितवनलाई आधार मानेर अन्डाको समर्थन मूल्य तोकेको हो। अब मध्यम अन्डाको मूल्य प्रतिक्रेट ४३५, ठूलो अन्डा प्रतिक्रेट ५१० र एक्सएल अन्डा प्रतिक्रेट ५२५ रुपैयाँ तय भएको छ।
यसअघि ८ भदौमा एक्सएल अन्डाको मूल्य प्रतिक्रेट पाँच रुपैयाँ, ठूलो र मध्यमको १० रुपैयाँले बढाएर एक्सएल अन्डा प्रतिक्रेट ५०५ तय गरेको थियो। यस्तै ठूलो अन्डा ४ सय ९५ रुपैयाँ र मध्यम अन्डाको मूल्य ४ सय २५ रुपैयाँ तोकिएको हो ।
