काठमाडौं । दिनभर तीव्र उचारचढाव हुँदै शेयर बजार आज उच्च अङ्कले घटेको छ । शेयर बजार परिसूचक नेप्से आज ५० दशमलव ७३ अङ्कले घटेर दुई हजार छ सय ३७ दशमलव ७९ विन्दुमा झरेको हो ।
आज बिहान बजार खुलेदेखि नै उच्च अङ्कले बढेर नेप्से २७ सय ३४ विन्दुसम्म पुगेको थियो ।
रिभल फल्स पावर, हिमालयन हाइड्रोपावर कम्पनी, इस्टर्न पावर र रावा इनर्जीको शेयर १० प्रतिशतले बढेर सकारात्मक सर्किट लागेको छ । तर २ बजेदेखि उच्च अङ्कले ओरालो लागेर २६ सय ३६ विन्दुमा झरेको हो । आज थ्री स्टार हाइड्रोको शेयर १० प्रतिशतले घटेको छ ।
बजार घटेपनि कारोबार रकम भने बढेको छ । आज दुई करोड ४८ लाख ४६ हजार कित्ता शेयर १० अर्ब ३३ करोड ९२ लाख रुपैयाँमा कारोबार भएका छन् । सबैभन्दा धेरै सीईडीबी हाइड्रो विकास कम्पनीको ६४ करोड ३८ लाख रुपैयाँको शेयर खरिद बिक्री भएको छ ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
