क्यालिफोर्निया, २७ पुस । विगत ५० वर्षमा क्यालिफोर्नियामा ७८ भन्दा बढी आगलागी भएका छन्।
क्यालिफोर्नियामा धेरै वर्षदेखि खडेरीको अवस्था रहेको छ। यो क्षेत्रमा चिसोको कमी छ। यसबाहेक यो राज्य अमेरिकाका अन्य क्षेत्रहरू भन्दा धेरै तातो पनि रहेको छ। जसका कारण गर्मी मौसममा यहाँ जङ्गलमा आगलागी हुने गरेको छ ।
यो क्रम वर्षायाम नआएसम्म जारी रहन्छ । तर, पछिल्ला केही वर्षयता हरेक मौसममा आगलागीका घटना बढ्दै गएका छन् ।
विगत ५० वर्षमा क्यालिफोर्नियाको जङ्गलमा ७८ वटा भन्दा बढी ठुला आगलागी भएका छन् । क्यालिफोर्नियामा जंगल नजिकको आवासीय क्षेत्रहरू बढेका छन्। यस्तो अवस्थामा आगलागी हुँदा क्षति बढी हुने गरेको हो ।
सन् १९३३ मा लस एन्जलसको ग्रिफिथ पार्कको आगलागी क्यालिफोर्नियाको सबैभन्दा ठूलो आगलागीको घटनाको रूपमा लिइन्छ । यो बेला करिब ८३ हजार एकड क्षेत्रफल ओगटेको थियो । करिब ३ लाख मानिस घरबार छोडेर अन्य सहरमा जान बाध्य भएका थिए ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
