चितवन । भरतपुर महानगरपालिकाले जेनजी आन्दोलनका क्रममा चोरी गरेर लगेका महानगरका सामग्री फिर्ता गरिदिन आग्रह गरेको छ ।
महानगरले आन्दोलनका क्रममा महानगर र यस अन्तर्गतका कार्यालयहरुमा आगजनी, तोडफोड तथा चोरी लुट्पाट भएको अवस्था सामाजिक संजाल, पत्र पत्रिका तथा फोटो भिडियोहरुबाट साथै स्थानीय प्रत्यक्षदर्शी, नगर प्रहरी, सामाजिक संजाल, संचार माध्यम तथा सिसि टिभी फुटेजमा समेत चोरी भएका सामाग्री तथा व्यक्तिहरुको पहिचान भएको जानकारी गराउदै जानेर वा नजानेर लगेका सामाग्रीहरू असल नागरिकको जिम्मेवारी बोध गरी यस कार्यालयमा फिर्ता गरिदिन आग्रह गरको हो ।
साथै महानगरले कवाडी व्यवसायहरुसँग सम्बन्धित व्यक्ति तथा कवाड व्यवसायीसँग समेत उक्त सामाग्री नलिन तथा लिनेहरुको सामाग्री समेत फिर्ता गरिदिन अनुरोध गरेको छ ।
महानगरको आग्रह:
मिति २०८२/०५/२३ देखि २५ गते भरतपुर महानगरपालिका, नगर कार्यपालिकाको कार्यालय तथा यस अन्तर्गतका कार्यालयहरूमा रहेका सम्पुर्ण सामानहरु आगजनी, तोडफोड तथा चोरी लुट्पाट भएको अवस्था सामाजिक संजाल, पत्र पत्रिका तथा फोटो भिडियोहरुबाट पनि स्प्रस्ट देखिन्छ । स्थानीय प्रत्यक्षदर्शी, नगर प्रहरी, सामाजिक संजाल, संचार माध्यम तथा सिसि टिभी फुटेजमा समेत चोरी भएका सामाग्री तथा व्यक्तिहरुको पहिचान भएको अवस्थामा जानेर वा नजानेर लगेका सामाग्रीहरू असल नागरिकको जिम्मेवारी बोध गरी यस कार्यालयमा फिर्ता गरिदिनुहुन विनम्र अनुरोध छ। साथै कवाडी व्यवसायहरुसँग सम्बन्धित व्यक्ति तथा कवाड व्यवसायीसँग समेत उक्त सामाग्री नलिन तथा लिनेहरुको सामाग्री समेत फिर्ता गरिदिनुहुन अनुरोध छ । चोरी तथा लुट्पाट भएका सामग्रीहरु फिर्ता ल्याउने कार्यमा सहयोग गरिदिनुहुन सम्पूर्ण नगरवासी, दाजुभाई, दिदिबहिनीहरुमा भरतपुर महानगरपालिका हार्दिक अपिल गर्दछ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
