धादिङ । धादिङको थाक्रे गाउँपालिका वडा नं–१० गढीमा तीनवटा चितुवा मृत फेला परेको छ ।
गढीस्थित अदुवाबारीमा दुईवटा र मकैबारीमा एकवटा चितुवा मृत भेटिएको थाक्रे गाउँपालिका वडा नं–१० का वडाध्यक्ष गोकुल लामिछानेले जानकारी दिए ।
बिहीबार दिउँसो घाँस काट्न गएका स्थानीयले चितुवा देखेर खबर गरेपछि आफूसँगै प्रहरीसहितको टोली घटनास्थलमा पुगेको वडाध्यक्ष लामिछानेले बताए ।
मृत अवस्थामा फेला परेको चितुवा सबडिभिजन वन कार्यालय बैरेनीलाई बुझाइएको छ । सो विषयमा अनुसन्धान भइरहेको सबडिभिजन वन कार्यालय बैरेनीले जनाएको छ ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
