काठमाडौं । गृहमन्त्री रमेश लेखकले प्रहरी समायोजन र प्रदेश प्रहरी गठन हुने हिसाबले वर्तमान सरकार अगाडी बढेको बताउनु भएको छ । गृहमन्त्री लेखकले समस्या समाधानका लागि संघीय प्रहरी कानुन संशोधन हुने गरी नयाँ कानुन नै बनाउन लागिएको बताउनुभयो ।
आज बिहान जनकपुर विमानस्थलमा सञ्चारकर्मीसँग कुराकानी गर्दै गृहमन्त्री लेखकले संघको प्रहरी कानुन संशोधन गरेर नेपाल प्रहरी ऐन २०१२ मा आवश्यक संशोधन गर्ने र परिमार्जन गरेर नयाँ प्रहरी कानुन बनाउने बताउनुभयो ।
गृहमन्त्री लेखकले भन्नुभयो, ‘नयाँ कानुन बनाउने गरी गृह मन्त्रालय अगाडी बढेको छ, विभिन्न मन्त्रालयहरूको सहमतिपछि संसदमा जाने छ ।’
नयाँ प्रहरी कानुन बनाउन मन्त्रालयबाट निर्णय गरी अर्थ मन्त्रालयमा पठाइसकिएको र विभिन्न मन्त्रालयको सहमति पछि संसदमा पेस हुने गृहमन्त्री लेखकले बताउनुभयो ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
