काठमाडौं । सर्वोच्च अदालतले नक्कली भुटानी शरणार्थी प्रकरणमा पक्राउ परेका बेचन झालाई थुनामा राखेर अनुसन्धान गर्न अनुमति दिएको छ ।
गत असारमा भारतबाट पक्राउ गरी ल्याइएका झालाई थुनामुक्त गराउन माग गर्दै उनका छोरा दिव्यांशु झाले सर्वोच्च अदालतमा बन्दी प्रत्यक्षीकरणको रिट हालेकोमा न्यायाधीश टेकप्रसाद ढुंगानाको इजलासले बिहीबार ‘कानुन बमोजिम अनुसन्धान गर्न’ आदेश दिएको हो ।
