काठमाडौं । राष्ट्रिय स्वतन्त्र पार्टी (रास्वपा)का महामन्त्री डा. मुकुल ढकाल (हाल निलम्बित)ले तयार पारेको समीक्षा यात्रा प्रतिवेदन सार्वजनिक गरिएको छ । बुधबार केन्द्रीय समिति बैठकमा प्रस्तुत प्रतिवेदन कार्यवाहक प्रवक्ता मनीष झाले बिहीबार सार्वजनिक गरेका हुन् । प्रतिवेदन ३२ पृष्ठ लामो छ ।
बुधबारको बैठकमा डा. ढकालले उक्त प्रतिवेदन प्रस्तुत गर्न खोजेका थिए । तर, सभापति रवि लामिछानेले प्रतिवेदन प्रस्तुत गर्न उनलाई रोक लगाएका थिए । त्यसपछि उनी मुखमा मास्कमाथि कालो टेप टाँसेर बैठकमा बसेका थिए । डा. ढकालको प्रतिवेदन सहमहामन्त्री कविन्द्र बुर्लाकोटीले वाचन गरेका थिए ।
महामन्त्री ढकालले ३८ जिल्लामा पुगेर समीक्षा प्रतिवेदन तयार पारेका थिए । उनले आफ्नो प्रतिवेदनमा पार्टीका समस्या र कमजोरीलाई उजागर गरेका थिए ।
यस क्रममा उनले मुख्य रुपमा २७ वटा कमजोरी देखाएर सच्याउन सुझाव दिएका थिए । यसमध्ये सबैभन्दा बढी पार्टी सभापति रवि लामिछानेप्रति केन्द्रित रहेको छ ।
१, प्रशिक्षणको अभाव
२, संचार, संवाद, सम्पर्क र समन्वयको अभाव
३, पार्टीका मन्त्री, सांसद र नेतालाई भेट्न पाइएन
४, गुनासो व्यवस्थापन कमजोर
५, केन्द्रीय समिति सदस्य थप्दा वा विभागमा नियुक्ति गर्न स्थानीयस्तरमा सामान्य सोधपुछ पनि भएन
६, बोल्नका लागि चाहिने नियमित खुराक भएन
७, केन्द्रीय नेता खटेनन्
८, कामको मूल्यांकन भएन
९, पार्टीका निर्णयमा सामान्य सोधपुछ समेत गरिएन
१०, सभापतिमाथि नै प्रश्न उठे
११, राइट टु रिकलको प्रावधान कहिले लागू हुन्छ रु
१२, केन्द्रीय नेताकै पार्टी निर्णयविरुद्धको टिप्पणीलाई कसरी लिने रु
१३, नेताहरू सुविधाभोगी भए
१४, दबाब यात्रा र घरदैलो कार्यक्रम कता हरायो रु
१५, धेरै बोलेर बिग्रियो
१६, पार्टीको निर्णय पार्टीकै संयन्त्रबाट जानकारी भएन
१७, उपसभामुख पदको राजनीतिक लाभ लिन सकिएन
१८, पार्टी एनजीओजस्तो भयो
१९, पार्टीभित्र क्वालिटीमा ध्यान दिइएन
२०, विभागहरू क्रियाशील भएनन्
२१, पार्टी काठमाडौँ केन्द्रित भयो
२२, पुँजी नभएको मान्छेलाई पार्टीमा स्थान भएन
२३, तड्क भडक कार्यक्रम नगर्ने नीति भुलियो
२४, पार्टीका नेताहरू एनजीओ तथा आईएनजीओको कार्यक्रममा बढी देखिए
२५, पार्टी काम भन्दा बढी आसन र भाषणमा केन्द्रित भयो
२६, अनुशासन आयोगमाथि प्रश्न
२७, संगठनका विषयमा थप प्रश्न
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
