काठमाडौं । मंगलबार शेयर बजारमा समान्य अंककाे वृद्धि भएको छ । २८३४.३७ विन्दुबाट खुलेको बजारमा तीव्र उतारचढावका बीच अन्त्यमा २८३०.१६ बिन्दुमा अडिएको छ । आजको बजार ६.९० अंकले बढेको हो ।
यस दिन साढे १३ अर्ब रुपैयाँभन्दा बढीको शेयर कारोबार भएको छ । आधा दर्जनभन्दा बढी कम्पनीको शेयर मूल्यमा सकारात्मक सर्किट लागेको छ । एनएलजि इन्सुरेन्स, सिन्धु विकास बैंक, मातृभुमि लघुवित्त वित्तीय संस्था, ग्रिन डेभलपमेन्ट बैंक, विन नेपाल लघुवित्र वित्तिय संस्था, मानुषी लघुवित्त वित्तीय संस्थाको शेयर मूल्यमा सकारात्मक सर्किट लागेको छ ।
यस्तै, विन्दबासिन जलविद्युतको शेयर मूल्य पनि १० प्रतिशतले बढेको छ । यता ५ वटा कम्पनीको शेयर सर्किट लेभलमा (९.९९ प्रतिशत) कारोबार भएको थियो ।
विकास बैंक, होटल तथा पर्यटन, जिवन विमा, लघुवित्त र निर्जीवन बीमा समूह बढेको छ भने बाँकी सबै समूह ओरालो लागेको छ ।
सोमबार बजार १२७.३२ अंकले बढेको थियो । त्यस अघिको २ कारोबारमा भने बजारमा करेक्सन आएको थियो । इन्डेक्स ३ हजार पुगेको बजार फेरि करेक्सन आएर २७ सयमा झरेको थियो ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
