काठमाडौं । रुकुम पूर्वमा पहिरोमा परेर एकजनाको मृत्यु भएको छ । पहिरोमा परेर तीन जना घाइते भएका छन् ।
सिस्ने गाउँपालिका–२ दल्लुगैरामा सोमबार राति पहिरो जाँदा गोठमा सुतिरहेका वडा नं १ का कर्णबहादुर बुढाको परिवारका चारजनालाई बगाउँदा ११ वर्षीय सरगम बुढाको मृत्यु भएको हो ।
बालकका ४० वर्षीय बुबा कर्णबहादुर बुढा, आमा ३८ वर्षीया गम्मा बुढा र बहिनी ९ वर्षीया तिलसरा बुढाको अवस्था गम्भीर रहेको जिल्ला प्रहरी कार्यालय रुकुम पूर्वका सूचना अधिकारी एवं प्रहरी निरीक्षक हरिप्रसाद भट्टराईले जानकारी दिनुभयो ।
घाइतेहरुलाई उपचारका लागि रुकुमकोट लगिएको प्रहरीले जनाएको छ ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
