काटमाडौं । अमेरिकाको भर्जिनिया च्यान्टिली नजिकै कार दुर्घटनामा परी दुई नेपालीको मृत्यु भएको छ । स्थानीय समयअनुसार शुक्रबार मध्यराति साढे १२ बजे भएको दुर्घटनामा एक अर्का नेपाली घाइते भएका छन् ।
दुर्घटनामा परी मृत्यु हुनेमा रुकुम आठबिसकोट नगरपालिका–७ का सुरेश केसी रहेको उनका छिमेकी सुशील चन्दले जानकारी दिनुभयो । अर्का युवक बर्दियाका विवेक सुवेदी भएको स्थानीय समाजसेवी योगेश श्रेष्ठले बताउनुभयो ।
उहाँका अनुसार काठमाडौंका मेहुल श्रेष्ठ घाइते भएका हुन् । उनको अहिले अस्पतालमा उपचार भइरहेको छ भने स्वास्थ्य अवस्था खतरामुक्त छ ।
कारचालक ३० वर्षीय नेपाली विजय तामाङलाई पक्राउ गरि दुई जनाको हत्या अभियोगमा लाउडाउन काउन्टी सेरिफ कार्यालयले मुद्दा चलाउने तयारी गरिरहेको छ ।
एन.आर.एन.ए भर्जिनियाका अध्यक्ष विशाल कार्कीले परिवारजन र स्थानीय लाउडाउन काउन्टी सेरिफ कार्यालयसँग सम्पर्क गर्ने र अब कसरी अगाडि बढ्ने भन्ने विषयमा छलफल भइरहेको बताउनुभयो ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
