अमेरिकी सङ्घीय जाँच व्यूरो एफबीआई प्रमुख क्रिस्टोफर रे ले नवनिर्वाचित राष्ट्रपति डोनाल्ड ट्रम्पले निकाल्नु भन्दा पहिल्यै राजीनामा दिने तयारी गर्नुभएको छ । उहाँले जो बाइडेन प्रशासनको समयावधि सकिएसँगै राजीनामा दिने बीबीसीले उल्लेख गरेको छ ।
ट्रम्पले आफ्नो कार्यकाल शुरु भएपछि ‘रे’ लाई हटाउने बताउँदै आउनुभएको छ । ट्रम्पले यसअघि नै एफबीआईको नेतृत्वका लागि आफ्नो विश्वासपात्र काश पटेलको नाम घोषणा गरिसक्नुभएको छ । क्रिस्टोफर ‘रे’ लाई ट्रम्पले आफ्नो अन्तिम कार्यकाल २०१७ मा १० वर्षका लागि नियुक्त गर्नुभएको थियो । तर ट्रम्प राष्ट्रपति चुनाव हारेपछि एफबीआईले ट्रम्पविरुद्ध अनुसन्धान शुरू गरेको थियो ।
एफबीआई प्रमुखको पद विशुद्ध प्रशासनिक तथा गैरराजनीतिक रहने भएका कारण अझै तीन वर्ष बाँकी छँदै ‘रे’ को राजीनामा आउने कुरालाई अर्थपूर्ण रुपमा हेरिएको छ । ‘रे’ लाई कयौँ सांसदहरुले एक चट्टानी अडान लिने जिम्मेवार अधिकारीका रुपमा लिएका छन् ।
ट्रम्पबारे जाँच गरेको एफबीआईले दुई भिन्दा भिन्दै सङ्घीय मामिला बाहिर ल्याई अदालतमा दर्ता गराएको थियो ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
