पश्चिम अफ्रिकाबाट स्पेनतर्फ गइरहेको डुङ्गा मोरक्कोमा पल्टिँदा कम्तीमा ६९ जनाको ज्यान गएको छ । ज्यान गुमाउनेमा २५ जना मालीका नागरिक रहेका बीबीसीले जनाएको छ ।
झन्डै ८० जना सवार रहेका ‘अस्थायी डुङ्गा’ मा ११ जनामात्रै बाँचेका मालीका अधिकारीहरूले जानकारी दिएका छन् । बाँचेका ११ मध्ये नौ जना मालीका नागरिक रहेका खबरमा उल्लेख छ । यो डुङ्गा गएको हप्ता डुबेको थियो तर मालीले अहिले पुष्टि गरेको हो ।
माली लामो समयदेखि जिहादी र पृथकतावादी हिंसाको शिकार हुँदै आएको छ । जसका कारण सन् २०२० र २०२१ मा देशमा सैनिक विद्रोह भएको थियो । सैन्य सरकारले गएको मार्चमा आचुनाव गराउने वाचा गरेको थियो तर अहिलेसम्म चुनाव भएको छैन ।
देशको अवस्थालाई लिएर ठूलो सङ्ख्यामा मानिसहरू गैरकानूनी रूपमा युरोप पुग्न एट्लान्टिक रुट प्रयोग गरिरहेका छन् ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
