काठमाडौं,१४ माघ २०८१ । अमेरिकी राष्ट्रपति डोनाल्ड ट्रम्पले दोश्रो पटक पदभार सम्हाले लगत्तै उनले गरेका निणर्यले विश्वका धेरै देशमा प्रभाव पार्न थालेको छ । अमेरिकामा वसिरहेका अबैध आप्रवासी, विश्व स्वास्थ्य संगठन लगायतका बिषयमा टम्प कठोर देखिएका छन् । सोही क्रममा नेपालमा अमेरिकी अनुदान सहयोगमा सञ्चालित सबै कार्यक्रम निलम्बित भएका छन् । अमेरिकी राष्ट्रपति डोनाल्ड ट्रम्पको कार्यकारी आदेशसँगै नेपालमा सञ्चालित अनुदानमा सञ्चालित कार्यक्रम निलम्बित भएका हुन् ।
नेपाल सरकारसँग ५ बर्से रणनीतिक साझेदारी गरेको अमेरिकी सहयोग नियोग (युएसएआईडी)ले अर्थ मन्त्तालय, गैरसरकारी संस्था र गैरनाफामूलक कम्पनीलाई पत्र लेखेर अनुदानमा सञ्चालित सबै कार्यक्रम तत्कालका लागि निलम्बित भएको जानकारी दिएको हो ।
यूएसएआईडीले शनिबार अर्थ मन्त्रालयको अन्तर्राष्ट्रिय आर्थिक सहायता समन्वय महाशाखाका प्रमुख धनीराम शर्मालाई सम्बोधन गरेर पत्र लेखेको छ । पत्रमा अमेरिकी अनु्दानमा सञ्चालनमा रहेका सबै कार्यक्रम स्थगित गरिएको उल्लेख छ ।
‘युएसएआईडी/नेपालको सम्झौता, अनुदान, सहकार्य सम्झौता र अनय सहायता उपकरणअन्तर्गतका कार्यक्रम तत्काल रोकिएका/नलिम्बित भएका छन्’ पत्रमा भनिएको छ, ‘युएसएआईडी नेपालको सम्झौताअनुसार सञ्चालित स्वास्थ्य, शिक्षा, कृषि र समावेशी नीतिसहित मुख्यत: चार क्षेत्रका कार्यक्रम तत्काल निलम्बित भएको जानकारी गराइन्छ ।’ पत्रमा राष्ट्रपसित ट्रम्पको निर्णय कार्यान्वयनका लागि अहिले ९० दिनका लागि अनुदान निलम्बन गरिएको र त्यसपछि के हुन्छ भन्ने उल्लेख नभएको बताइएको छ ।
अमेरिकाले सन् २०२३ मा १ सय ७६ देशलाई ६८ अर्ब अमेरिकी डलर बराबरको आर्थिक सहयोग गरेको थियो । अमेरिकाले अनुदान दिने मुलुकको सूचीमा नेपाल १६ औं स्थानमा छ ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
