काठमाडौं । बागलुङको गलकोटमा जीप दुर्घटनामा मृत्यु भएकाहरूको शव परीक्षणपछि आज साँझसम्म परिवारलाई बुझाइने भएको छ ।
मृतकको शव हाल गलकोट नगर अस्पतालमा राखिएको छ । अहिले मृतकको शव परीक्षण भइरहेको र साँझसम्म शव परिवारको जिम्मा लगाउने जिल्ला प्रहरी कार्यालय बागलुङका प्रहरी निरीक्षक प्रताप पौडेलले बताउनुभयो ।
हिजो बिहान गलकोट नगरपालिका–२ को भुङ्खानीमा काठमाडौंबाट पूर्वी रुकुमतर्फ जाँदै गरेको रा १ झ २०० नम्बरको पिकअप जीप सडकदेखि ३०० मिटर तल खस्दा तीनजनाको मृत्यु भएको थियो ।
घटनामा पुथा उत्तरगङ्गा गाउँपालिकाका उपाध्यक्ष भुपेन्द्रा बुढा, उहाँकी आमा ६१ वर्षीया गोपीमाया बुढा र वडा नं. ३ का अध्यक्ष जसवीर सिर्पालीको निधन भएको हो ।
घटनामा गम्भीर घाइते चालक प्रेमबहादुर पुनको धौलागिरि अस्पतालमा सिटिस्क्यान गरेपछि पोखरामा थप उपचार भइरहेको छ ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
