काठमाडौं । सिन्धुपाल्चोकको बाह्रबिसे नजिकै भोटेकोशी नदीमा खसेको गाडी निकालिएको छ ।
जिल्ला प्रहरी कार्यालय सिन्धुपाल्चोकका अनुसार बा २० च २१८५ नम्बरको बोलेरो गाडी हिजो बेलुकी नदीबाट निकालिएको हो । गाडीमा दुई जना रहेको भनिए पनि उनीहरुको अवस्था र यकिन विवरण थाहा हुन नसकेको प्रहरीले जनाएको छ ।
हिजो बिहान बाह्रबिसे नजिकै अरनिको राजमार्गबाट अन्दाजी एक सय मिटर तल भोटेकोशी नदीमा गाडीको टायर देखिएपछि स्थानीयबासिन्दाले प्रहरीलाई खबर गरेका थिए ।
खबर पाएलगत्तै स्थानीयबासिन्दा र प्रहरी उद्धारमा जुटेका थिए । लामो प्रयासपछि बेलुकीपख मात्रै गाडी निकालिएको प्रहरीले जनाएको छ ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
