काठमाडौं । प्रधानमन्त्री केपी शर्मा ओलीले सामाजिक सुरक्षा उन्नत अवधारणा र अभ्यास भएको बताउनुभएको छ ।
सातौँ सामाजिक सुरक्षा दिवसको अवसरमा आज शुभकामना दिनुहुँदै प्रधानमन्त्री ओलीले सरकार सामाजिक सुरक्षाको बृहत्तर र परिपूर्ण अवधारणालाई अगाडि बढाउन, व्यवस्थित ढङ्गले सञ्चालन गर्न र त्यसलाई पूर्णता दिन प्रतिबद्ध रहेको बताउनुभएको छ ।
प्रधानमन्त्री ओलीले हरेक नागरिक सचेत हुनुपर्ने र आफूले सामाजिक सुरक्षाको सन्दर्भमा योगदान पनि गर्नुपर्दछ भनेर आफूले योगदानमा आधारित सामाजिक सुरक्षाको एउटा नयाँ र उन्नत अवधारणाको शुरुवात गरेको पनि उल्लेख गर्नुभएको छ ।
उहाँले वर्तमान सरकारले कसैलाई पनि एक्लो र असहाय हुन नदिने आश्वासन पनि दिनुभयो । जनताको साथमा सरकार रहेको भन्दै ओलीले सबैलाई विश्वासमा लिएर अगाडि बढ्न अपिल पनि गर्नुभयो ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
