काठमाडौँ, १५ माघ २०८१ । ब्राजिलका सुपरस्टार फुटबलर नेइमार साउदी प्रो लिग क्लब अल हिलालबाट बिदा भएका छन् । अल हिलालले आधिकारिक रुपमा नेइमारले आपसी सहमतिमा क्लब छोडेको जानकारी दिएको हो ।
नेइमार अब आफ्नो ब्राजिलकै पुर्ब क्लब सान्तोस जाने भएका छन् । उनले सान्तोसमा पारिश्रमिक सहित क्लबमा हिस्सेदारी लिएर जान लागेको मिडिया रिपोर्टमा उल्लेख छ । तर नेइमारले क्लबमा कति प्रतिशत हिस्सेदारी लिनेछन भन्ने स्पष्ट भएको छैन ।
करिब एक बर्षको इन्जुरीपछि खेलमा फर्किएका नेइमार फेरी घाइते भएपछि अल हिलालले उनलाई साउदी लिगमा दर्ता गरेको थिएन । अल हिलालका लागि कुल ७ खेल खेलेका नेइमारले साउदी लिगमा भने केवल ३ खेल खेलेका छन् ।
अल हिलालले २०२३ मा नेइमारलाई फ्रेन्च क्लब पिएसजीबाट ९० मिलियन युरो तिरेर भित्र्याएको थियो । अल हिलालले नेइमारलाई बार्षिक करिब सय मिलियन युरो पारिश्रमिक दिने गरेको थियो । नेइमार खेल्न नसक्ने भएपछि अल हिलालले आफ्नो ठुलो आर्थिक दायित्वबाट बच्न सम्झौता रद्द गर्न नेइमारमाथि दबाब बढाएको थियो ।
गत सिजनमा सिरी बी मा रेलिगेट भएको सान्तोस यस सिजनमा भने सिरी ए मा बढुवा हुने निश्चित रहेको छ । नेइमारले २००९ मा सान्तोसका लागि डेभ्यु गरेका थिए । २०१३ मा बार्सिलोना जानु अघि नेइमारले सान्तोसका लागि २२५ खेलमा १३६ गोल गरेका थिए । सो अवधिमा नेइमारले सान्तोसमा तीन सिजन सिरी ए को उपाधि जितेका थिए भने एक सिजन उपविजेता बनेका थिए । त्यस्तै एक सिजन कोपा ब्राजिल र २०११ मा कोपा लिबरटाडोरेज जितेका थिए ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
