काठमाडौं। नुवाकोटमा आज भएको हेलिकप्टर दुर्घटनामा ५ जनाको मृत्यु पुष्टी भएको छ। काठमाडौंको त्रिभुवन विमानस्थलबाट दिउँसो १.५४ मा उडेको तीन मिनेटमै एयर ट्राफिक कन्ट्रोलबाट सम्पर्कविहीन बनेको एयर डाइनेस्टीको उक्त हेलिकप्टर नुवाकोटको शिवपुरी गाउँपालिका वडा नम्बर–७ सूर्यचौरमा दुर्घटनाग्रस्त बनेको हो।
जिल्ला प्रहरी कार्यालय नुवाकोटका सूचना अधिकारी एवम् डीएसपी तिलक भारतीले दुर्घटनास्थलमा जलेको अवस्थामा पाँचजनाको शव भेटिएको पुष्टि गर्नुभयो। नागरिक उड्ययन प्राधिकरणका अनुसार एयर डाइनेष्टीको नाइन एन–एजेडी कलसाइन भएको यो हेलिकप्टर रसुवातर्फ जाँदै थियो ।
डीएसपी भारतीकाअनुसार सूर्यचौर डाँडामा ठोक्किएर दुर्घटनामा परेको हेलिकप्टर जलेपछि यात्रुको ज्यान गएको हो । मृत्यु हुनेमा हेलिकप्टर क्याप्टेन अरुण मल्ल, चिनियाँ पर्यटकमा जुदाड टाङ, जी लि, जेमिङ सी र महिला यियाद वु रहेका छन् ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
