अमेरिकाबाट घर आएका इटहरीका एक युवाले १९ वर्षीया किशोरीलाई जर्वरजस्ती करणी गरेको पाइएको छ।
उदयपुरको गाइघाट घर भई धरान डेरा गरी बस्ने किशोरीलाई इटहरी वडा नं. ९ घर भएका युवा तपेन्द्र थापाले स्थानीय एक होटलमा जर्वरजस्ती करणी गरी फरार भएको इलाका प्रहरी कार्यालय इटहरीले जनाएको छ।
थापाले ती युवतीलाई धरानबाट इटहरी ल्याएर जर्वरजस्ती करणी गरेको पीडितले इलाका प्रहरी कार्यालय इटहरीमा दिएको जाहेरीमा उल्लेख छ। इटहरीका डिएसपी टेकबहादुर कार्कीले फरार थापाको खोजी भइरहेको बताए।
चार दिनअघि धरानबाट चार जनाको समूहमा रहेका युवाले ती किशोरीलाई ल्याएर तरहरामा खाजा खुवाएका थिए। त्यसपछि युवाका अन्य तीन जना साथीहरु इटहरी हलगढामा उत्रिएका थिए। थापाका साथीहरु उत्रिएपछि उनले इटहरीको एक होटलमा ल्याएर जर्वरजस्ती करणी गरेको पीडित युवतीको उजुरीमा उल्लेख छ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
