काठमाडौँ । कमेडियन हिमेश पन्तले कान्तिपुरका अध्यक्ष कैलाश सिरोहियाको मुटु र नागरिकता दुई वटै कमजोर रहेका बताएका छन् । कमेडी च्याम्पियनमा आफूले गरेको कैलाश सिरोहिया र सम्भव सिरोहिया बाउ छोराको जोक काटिएको भन्दै उनले यस्तो प्रतिक्रिया दिएका हुन् ।
उनले सामाजिक सञ्जाल फेसबुकमा लेखेका छन्– ‘कान्तिपुर अन एयर भएर होला कमेडी च्याम्पियनको सेटमा सिरोहियाको बाउ–छोराको सार्वजनिक जीवनमाथि गरेको जोक नै काटिएछ । बिचमा एउटा लाइन थियो, नभन्दै त्यसले सार्थकता पायो ।’
हिमेशले बिहीबार प्रसारण हुने एपिसोडका लागि गेस्ट प्रस्तोताको रूपमा प्रस्तुति दिएका थिए । सो क्रममा उनले सिरोहिया बाउ छोरा माथि कार्यक्रम छायाङ्कनका क्रममा दिएको प्रस्तुति टेलिभिजनबाट प्रसारणको क्रममा काटिएर आएको हो ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
