काठमाडौँ । बलिउड गायिका कनिका कपुरले काठमाडौँका दर्शक नचाएकी छन् । शनिबार साँझ दरबारमार्गस्थित क्लब प्लाटिनममा आयोजित ‘कनिका कपुर साँझ’मा उनले आफ्नो दर्जन बढी लोकप्रिय गीतहरू राखेकी थिइन् ।
करिब डेढ घण्टा स्टेज तताएकी कपुले सो क्रममा चिटिया कलैया, बेबी डल, लव लेटर, देशी लुक्स लगायत बलिउडका थुप्रे चर्चित गीत पस्किएको कार्यक्रममा सहभागी शाहिल खानले बताए ।
कनिकालाई तपश्या इन्टरटेनमेन्टले नेपाल ल्याएको हो । नेपाली दर्शकलाई सांगीतिक मनोरञ्जन दिने र पर्यटन प्रवर्द्धन गर्ने उद्देश्यले कनिकालाई नेपाल ल्याएको तपश्या इन्टरटेनमेन्टका निर्देशक अभिषेक झाले बताए ।
कनिका पहिलो पटक नेपाल आएकी हुन् । शनिबारको कार्यक्रम सकेर उनी आइतबार बिहानै भारत फर्किएकी छन् ।
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
![khabarsite banner](https://khabarsite.com/wp-content/uploads/Khabarsite-small-banner.jpg)