काठमाडौँ । अभिनेता बिराज भट्टले फिल्म ‘१२ गाउँ’को एक्सनका लागि बलिउडबाट एक्सन कोरियोग्राफर सिल्भा मास्टर बोलाएर काम गरिरहेका छन् । यो कुरो नेपालमा द्वन्द्व निर्देशक हिमाल केसीलाई चित्त बुझेको छैन ।
उनले सामाजिक सञ्जालमा एक स्ट्याटस पोस्ट गर्दै नेपाली द्वन्द्व निर्देशक जति ‘अब डुबेर मरे हुन्छ’ भन्दै आक्रोश पोखेका छन् ।
‘नेपाली चलचित्रका द्वन्द्व निर्देशक जति अब डुबेर मरे हुन्छ द्वन्द्वमा परिवर्तन दिन नसक्दा छिमेकी राष्ट्रबाट झिकाउन बाध्य पर्यो ?’, उनले लेखेका छन्, ‘जसले झिकाउनु भो उहाँले पनि बिर्सनु भएन । उहाँ छिमेकी राष्ट्रको द्वन्द्व निर्देशकबाट नेपाली चलचित्रको एक्सन स्टार हुनु भएको हो र ?’
नेपाली बजार सानो रहेको र पर्याप्त श्रोत साधना पनि नभएको भन्दै उनले सीमित बजेटमा समेत काम गर्नु पर्ने बताए । उनले भने, ‘छिमेकी राष्ट्रका द्वन्द्व निर्देशकले पाउने सुविधा, श्रोत–साधन के हामीले पाएका छौँ ?’
खबरसाइट डट कम (www.khabarsite.com) तपाईँको आफ्नै खबर साइट हो । हामी कुनै पनि आग्रह र पूर्वाग्रहरहित भएर हरेक पल सत्य तथ्य निष्पक्ष खबर पस्कने जमर्को गर्छौँ । हाम्रो यस स्वतन्त्र अभियानमा तपाईँको साथ अपरिहार्य छ ।
